article comment count is: 44

Ibintu 5 wokwirinda kugira ugwize amahirwe yo kuronka urukundo rw’ukuri

Par Aloys Kamwenubusa le

Baba ab’igitsina gabo canke ab’igitsina gore, abato n’abakuze, abatunzi  n’abakene, abakomeye n’abarwaye, mu butandukane bwabo, bose barakeneye urukundo nk’uko bivugwa n’umuhinga Alexandre Cormont. Nawe ukaba urukeneye kandi rw’ukuri, uririnda ibi bintu bitanu. 

Ikintu ca mbere conona, ni ukurondera uwugukunda utabanje kwikunda. Irinde guca ku biti no ku mabuye urondera uwogukunda kandi na wewe ubwawe utikunda uko bikwiye. Abahinga bavuga ko umuntu ategerezwa kubanza kwikunda imbere yo gukunda canke gukundwa. Menya rero kwikunda kuko utikunze ntiwokwizera gukundwa n’uwundi. Ni waba ukeneye uwuzogufata neza, tangura wifate neza. Ukaba ukeneye uwuzokwubaha tangura wiyubahe na kare ngo “ntawuterwa iteka atekeye mu vyatsi”. Naho biri uko uzokwikunda uko ushoboye ariko ntuziyuzuza. Aho rero uzoce urondera uwugukunda kugira mwuzuzanye.

Kwihuta kurondera urukundo

Reka kwiruka urondera urukundo nk’uwurondera umudari mw’ihiganwa ryo gusiganwa. Genda bukebuke kuko ntugira usigwe n’indege. Reka kwigereranya n’abo mungana bubatse ngo bitume ujana nyabahururu. Umwe wese afise igihe ciwe. Na kare ngo “vyerera igihe ntivyerera inzara”. Kandi ngo “kuzinduka cane si ko gushika kare.”

Ha umwanya ibigikeneye gukura muri wewe uronke ubumenyi buzogufasha kwubaka urwawe. Mu bituma ingo zisambuka, harimwo kwihuta kwubaka. Abasokuru barayamaze bati “uwitonze amira ibinoze”.

Gushaka ivyo utoshobora gutanga 

Uwo wipfuza ko mukundana yoba ameze gute ? Ushobora kuba wipfuza umuntu akunda gusenga, yitonda, akundana, akunda akazi. Eka afise n’izindi ndangagaciro. Ni vyiza cane ndakwipfurije kumuronka. Ariko banza wisuzume urabe nawe uko umeze. Ni wasanga umeze ugutandukanye n’uko uwo wipfuza ko mubana yoba ameze ugerageze guhindura ube nk’uko umwipfuza. Utitonda naho woronka uwitonda yoteba agahinduka kubera wewe. “Mu rukundo, uwudatanze vyose ntaronka vyose”. Vyavuzwe na Albert Camus imbere yo kwongerako ati : “Ntawushobora gutanga ico adafise.”

Kwinyegeza

Reka kuba agatinyashengero. Kutaja ahabona si vyo bizotuma uronka umukunzi wipfuza. Kuguma mu nzu imbere y’imboneshakure, imashini nyabwonko canke ngendanwa uraba ivya hafi n’ivya kure ntibizotuma ukundwa. Kira noneho, ntawogukunda atakubonye. 

Reka kugira isoni z’abakubona. Ambara usohoke. Mara imanza. Ja mu makoraniro y’abantu benshi. Ariko nturenze urugero kuko na ho nyene kwoba ari ukwiyararaza. Bikore ku rugero ruri hagati na hagati ntiwame mu nzu kandi ntiwame ku nzira. Ni wabikora gutyo, uzoba ugwije amahirwe yo guhura n’umwe ufise mu ndoto zawe.

 Kwiyorobeka

Ni waba wipfuza urukundo rw’ukuri, hagarika kwiha ishusho itari rwawe. Reka kwambara impuzu zikwerekana ukundi ku mubiri, kwisiga amavuta aguhindurira urukoba canke kwambara ibirato bikwongerereza uburebure udafise, n’ibindi. 

Reka guterwa isoni n’uko usa, uko ureha, uko utambuka canke uko utwenga. Nta muntu n’umwe adafise utunenge nk’uko bivugwa n’umuhinga mu vy’inyifato Catherine Marchi. Ni wigira ico utari, uwuzogukunda azovyicuza amaze kubona uko uri. Ariko ni wemera ico uri, uzoronka uwukigukundira. Kira noneho “utunenge tuvyibuha aho urukundo rwonze”, umugani w’Abarusiya.    

 

Est-ce que vous avez trouvé cet article utile?

Partagez-nous votre opinion

Les commentaires récents (44)

  1. Et surtout ko atawuterwa iteka atekeye muvyatsi!biranyubatse kuko haraho uronderera umukunzi ahatariho,mbere bigatuma kubana ngo mwubake bigoran kuber ibih vyanyu vyambere(mukireshanya)
    Twiyubahe bahungu,bakobwa Imana nayo izotwubahisha

    Répondre

  2. Imana ihezagire abakozi ba #Yaga kukuntu baduha umuti,orientation mubuzima bwa misi yose.
    Yaga,est ma meilleure université avec des profs qui se renseignent et qui donnent des info fiables qui incitent tout le nonde à visiter leur page quotiediennement.
    J’en suis reconnaissant mes chers amis.

    Répondre

  4. Urakoze cane Mr Aloys.
    Ariko ubandanye wongereko.iyi article ifise akanovera ,agura ushiremwo nibindi birenga ivyo bitanu wavuze…girumugisha

    Répondre

  13. Nivyiza Kurayo Makuru,ikind Nokwongera Ko Nuko Ukunda Uwutagukunda Ukamumarirako Umwany Wari Gukoresha Mukwitwararika Uwagukunda Utabiz Ukab Uriko Uca Intege Abari Bagufitiye Urukundo.Nakare Wiruka Inyuma Uwutagukunda Ukitesha Amahirwe Yuwogukunze.Nukurab Rero Naho Woronka Uwogukunda Ntirube Urukundo Rw’igihababu.

    Répondre

  18. Nashaka ndababaze nkumukobwa ashaka ko muganira kuri fone gusa ntashake ko musohokana yoba akwiyumvamwo

    Répondre

  29. Nukr naj aka gaparagraphe karanyuze mubandanye kutwigish uko turondera abo dukunda nabadukund muduh impanur zikwiy nacan can twebwe aba jeune tugifita amaraso agishushe sana songa mbere na kazi

    Répondre

  38. Urukundo n’ibigumbagumba .kandi buriya iyo ufise umuntu w’igitsina gore mukundana akaba arumwe wenyene wiyumvamwo ,n’integenke yawe. Ivyo bigumbagumba umushirako iyo amaze kubibona neza cane, niho ahera kugira akugaye kuko abayagutway ubwonko bw’iyumvira . Agasigara ari umuhango kuri wowe.murakoze

    Répondre