“Ikirumbire” canke “akamaramaza” ni amajambo y’ikirundi akoreshwa iyo umuhungu vyamugoye kurongora, ariko insiguro zayo ziriko zigenda zibagirwa uko imyaka itaha. Egide Nikiza aratuyagira insiguro yahawe n’abize ivy’imico y’ikirundi.
Ubuheruka narabayagiye ibijanye n’ingene umwigeme yatevye kurongorwa yafatwa mu muryango. Muribuka k’uyo mukobwa baheza bakamuta mu kazu bita agahundwe. Ubu naho, narondeye kumenya nimba umuhungu we vyari amarame. Eka da! No ku muhungu nyene, uko yagenda arakura, bamwita amazina atandukanye; atevye gushinga umuryango wiwe, baca bamwita ikirumbire, noneho bakamurungika kuba mu kazu bita akamaramaza.
Ishingiro ry’ayo mazina.
Naregereye Padiri Adrien Ntabona, azwi cane nk’inararibonye itahura cane ivy’imico n’imigenzo vy’ikirundi. Namubajije uko vyagenda iyo umuhungu asaziye mu nzu kwa se.
Yanyishuye ati : “Umuryango uvutsemwo abana benshi warubahwa, na cane cane iyo ari abahungu. Kuko na none, ihangiro ry’ugushinga umuryango kwari ukurondoka. Umwana w’umuhungu rero, uko yakura yagenda yitwa amazina atandukanye, kuva mu bwana, ugaca ku buyabaga kugeza no ku busore. Umusore yaba ari umuhungu atanguye kumera ubwanwa, mbere bakabona ko ageze kwubaka urwiwe. Iyo apfuye ageze kur’urwo rwego, niho bavuga bati “apfuye arurumba, ahambanywe ikara”; kuko yaba ahambanywe imigambi. Mu gihe atevye kurongora kandi yageze naho baca bamwita “ikirumbire”.
Ko umuhungu arumbirana rero, vyarababaza cane umuryango, maze bagira bati “yahoneje umuryango”. Baca bamurungika kwa inasenge, ngo kumbure yobura akavyaruzanya na bavyara be, uwusamye inda agaca amutwara kumubera umugore. Ariko iyo vyanse gose, yaca asubizwa i muhira kwa se na nyina, bakamwubakira akazu gatoya hafi y’irembo, ako bita akamaramaza”. Ngo kwari ukugira abahita bose babone ico “gito” c’umuhungu yahoneje umuryango.
Mbega uwo muco woba ugishoboka?
Wa wundi ati “Ivyari magera vyarageruye”, nta wobideha uwo muco ntiwoba ugishoboka mu bihe vya none. Kuva aho amajambere aziye, hasigaye hari vyinshi bibuza umuhungu gushinga urugo, canke bikamutevya. Aho twovuga nk’amashure, ukubura ivya ngombwa bijanye n’ubutunzi, eka mbere tutibagiye na babandi baja mu bikorwa vyo “kwihebera Imana”.
Ariko naho biri uko, kugeza n’ubu umuhungu atebaganye gushinga umuryango ntabonwa neza mu kibano. Uza wumva bamwe n’abandi batanguye gukuza inkuru ngo “kumbure wosanga adakomeye”, abandi bati “wosanga abakobwa baramubenze bikamubabaza cane”.
Kubwanje, umuhungu yorongora kuko yumva muri we ageze, atari uko abaryango biwe babishatse. Na kare ngo “imyenge y’inzu imenywa na nyeneyo”.
iyo niyongorane nfita kweli.kurongora ndabishaka muga ntaburyo.muhira turi2 gusa,ntamuvyeyi numwe.mpejeje kaminuza ENS kuronkakazi ndabona bidakunda.abaryango nabo baguma bampata kuronkora nkabona ntibikunda kuko ntaburyo.mwunva gute?
Urashaka Uvyihoze Nta Maraha Ariyo
ahubona mwana wa mama ntugire ngo iyo ngorane urayisangije! na jewe ni nkuko nyene ariko aho bitandukaniye nuko jewe atawurampatira kurongora uretseko jewe nyene ndavyipfuza nkabura uburyo! ubu nukwizera gusa kubeshejeho umuntu!
Ni bakwubakire akamaramaza
kirazira ko umuntu arongora kubera igutsure.il faut kubigira umuntu yitonze ata stress sinon on risque de gâter le reste de sa vie. iyo migenzo ya kera nayo myinshi ntikijanye n’igihe. nk’akakarore ubu dufise probleme ya surpeuplement ariko kera vyarumvikana kuko abantu twari bake amatongo ntiyari bwage
mubisanzwe ukwo nukuri kurashe bivanye n,ibihe vya none vyahindutse.ariko naho amashule atuma beshi bateba kurongora canke kurongogwa cane cane mwiyimisi intambamyi nyamukuru nagashomeri gatuma umusore nahabakuze bimugora cane kwiyumvira kurongora.bivanye nuko inkwano zomugora canke kubura ico yotungish,umuryango.murakoze.
c est bn vrt muzoz muratubwr iyo mico kk bench ntavy baz.
Nabareka burya ibintu vyose ni mumutwe.abantu bo ntaco batavuga.umuntu yorongora kubera avyiyumvamwo
Ndabahaye Mwiri Ncuti Zanje Yaga! Ico Kiyago Mwagiranye Nuyo Mushingantahe W’incabwenge Ni Nkenerwa Kandi Kinyunguye Vyinshi!Nanje Ndi Umusore Maze Guheza Amashure Ariko Kubwo Kubura Akazi N’ubukene Mfise, Sindarongora!Ngira Ngo Naje Banyita Ikirumbire!Murakoze.
Kwubak Urugo Cank Kurongora Ni Kimwe Kubitegura Ni Ikindi.Igikuru Nuko Ubgira Witeguye Neza Kandi Atari Kugitsure Cabavyeyi Kuko « amase Yakera Ntagihoma Urutaro. »
N’ivyukur kurongora bikwiy kuba personnel mais pas par influence d’aucun kuk’umusor’arongoye par influence familliale bigashika mu buzima bigahinduka cank mu rugo bikagorana, aca yidoger’umuryango wiw kw’ar wo wabimuteye!
nukujana n’igihe,mbe uwo muryango uzogufasha iki?ko bataguha ubwo buryo ukenye ?
« Amase Yakera Ntagihoma Urutaro ».Kokera Abavyeyi Bagukwerera None Ubukene Bwateye!Woca Urongora Ngo Nuko Ubwanwa Bwameze?Mbe Ubwo Bwanwa Muzoburya?
Abarundi Bati:<> Uritonda Ubanzurondere Kuko Kuzana Ntibigoye Nkogutung’umuryango!
Mbe Ub Utabanj Gukauka Wokwihutira Kurongora Ukabaho Gt? Abo Bashk Bacu Nibabe Barihangany Kuk Vyos N’induru Gusa!
Kurongora Ni Itambwe Yanyuma Y’ubuzima.Hamwe Umuntu Yojana Ibishobisho Adatohoje Neza Arabubura Bwose.Rero Tubanz Tubaze Umutima Turabe K Tufs Ivya Nkenerwa;kuko N Nko Kuja Kurugamba;ubanza Kuraba K Ufs Abasoda Botsinda.
eeeh,ntivyari vyoroshz ariko twebwe abubu duteba kubera ubukene.
Murakoze cane kur iki kiganiro kitwunguye vyinshi cane.
Ukurongora utegerezwa kuba umugambi wateguwe neza na nyenewo, si ugupfa gushorayo umutwe gusa kuko usanga ivyo ubwirizwa gushira mungiro uri murugo bisaba uburyo arivyinshi cane. Ni iyindi ntabwe y’ubuzima ihambaye cane umuntu aba ateye. Ubu rero si nkakera aho umusore yubaka iruhande ya se , yaba afise itongo rikwiye yikubita harya canke hariya agaca igitoke ararira agasoroma n’utuboga arenzako akaba araye. Ibihe vyarahindutse cane. Kurongora n’umugisha mumuryango nivyo, mugabo umuryango ntushobora kugusuka ngo nurongore warengeranye utazonakugemurira mugihe uzoba waraye ubusa.
Urugo rwubatswe muburyo bwiza n’ubundi bwoko bw’ijuru ibitandukanye nivyo murumva ko ari umuriro gusa. Nkarorero jewe ntiwoza kunshira munzu ngo tuze turarabana mu maso gusa, har ivyankenerwa urugo rukenera kugira rurame. Uretse ko igihe turimwo yaba umupfasoni yaba umushingantahe bahamagarirwa kurondera bose, umushingantahe aguma ari umutwe w’urugo, abazobona bitagenda neza murugo rwiwe ntibazoraba umupfasoni ahubwo bazokwihutira kubona umushingantahe.
Ubaka mugihe ufise uburyo bukwiye, mugihe wumva neza ko hageze ushobora gutunga umuryango wawe atawundi uhanze amaso. Umuntu yishinze kwigereranya nabandi ahinduka iciro ry’umugani mukibano. Ntakwigerezako rero, abantu bamye bavuga kandi bazokwama bavuga, bime amatwi ukovye urondere ubuzima ntabundi buhinga.
Ntawurengerana kwubaka uretse uwabivuyemwo.
Ntaw bitotera ubwoba kuko benshi turikeney,ugira nutwo uronse nyamico nyene NGO gira marriage ,he mbona na marriage itubera intambamyi pee!!
mama numva bwabundi umuhungu yamy yemegwa umukobwa bamwubakira agahundw naho nyene kur y inzu umuhungu naw akamaramaza imbere y inzu akabazo gatoyi mbe iyo bishits uwo muhungu bubakiy ako kamaramaza hanyumu akavamwo akarongora iryo zina ry akamaramaza ry aramuvako ,iyo nzu nayo bayikoziki iyo bishits agapfa yayibamwo ntawayitorana?
twebwe abarundi tumenye ubwambere ko vyerera igihe biterera inzara…kurongora babitandukanye nukwitamurudubi kuko amase ya kera ntagihoma urutaro Kandi ivyari amagera vyarageruyee..
nzorongora nipanze sinzorongora arukwo ndabishatseeee
Commentaire *ndaryohewe ni kiyago ciza.menye ikirundi co hambere.akamaramaza,ikirumbire,agahundwe,….
Wa muhungu uzorongora ngo bakuvuze urapfuye ndaguhevye.icara uharure ibikenewe mu nzu,hanyuma urabe ko uzotunga umwana w’abandi
Nihatali kwel kwubaka sugukina ama gopo.knd ntawubaka kubwigitsure cabavyeyi nukabavyiyumvamwo.
oya kurongora sikugitsure cnk kugahato kabavyeyi cnk kuwo mukundanye oya nukuraba imbere ikiriyo
iyongorane iri hose nakare amatongo yaraze abonabo basha abandi ngo barongora nimba abakobwa ari abo birimira.