article comment count is: 10

Ni « Poêlissime » si « Poilissime » : inkomoko n’insiguro y’iryo jambo

Turakunze kumva muri kaminuza y’Uburundi, umunyeshure ahiga canke uwahaciye bamwita ngo ni « Poilissime ». Eka noneho ababizi ngo ni « Poêlissime ». None iryo zina risigura iki? Ryavuye hehe? Twaragerageje kwegeranya ivyiyumviro vy’abari n’ico babiziko, baraduha umuco.

Maze imyaka itari mike niga muri Kaminuza y’Uburundi. Tukihashika, muri vya bikorwa vy’ukwakira abashasha, batubwiye ko bashaka kutugira « abapoilissimes » ; maze bakadusigurira ngo « abapoils ni abantu b’ubuntu bagira ibintu abantu ku buntu bw’abantu b’ubuntu ». Iyo nsiguro sinigeze mpengeshanya kuyiyumvirako, ariko ntiyanyuze, gushika ndonke umuco, biciye mu gusoma ivyiyumviro vyatanzwe n’abantu barenga amajana atanu (500) ku rubuga Yaga.

Insiguro zitandukanye

Imbere ya vyose, twohera kumenya ko batandika « Poilissime », ahubwo ni « Poêlissime », nk’uko Floribert Niyongabo yakosoye yongera atanga umuco ati : « Si ‘‘Poilissime’’ ni ‘‘Poelissime’’ ; iryo jambo rivuye muri ‘‘Poele’’. Kera i Buraya, muri ca kiringo c’imbeho irenze, haba hari icuma co gususurutsa mw’ishure n’ahandi hantu hakoranira benshi. Caba kirimwo amakara, kikagira umuringoti usohora umwotsi hejuru y’ishure ; ni co bita ‘‘Poele’’. »

Hama Angelos Nduwimana nawe akamwunganira ati : « Muri ivyo bihe hakanye cane, abanyeshure bafise inguvu kurusha abandi ni bo bacicara imbere (hafi y’ico cuma), kugira imbeho ihere. Kugira wicare imbere hakora inguvu. Abo banyeshure b’inguvu rero bashobora kucicara imbere ico gihe, baciye biyita ‘‘abapoêlessimes’’. Iryo jambo Poêlessime ryaciye rikwira isi yose, mu kuvuga abo banyeshure bafise ubushobozi bwo kwicara imbere y’ico cuma. Uko ni ko ijambo ‘‘Poillissime’’ ryandikwa kandi ni ko risigura. »

Yamara rero, hari n’abandi bafise izindi nsiguro zitandukanye n’iyo. Nta womenya ko vyoba vyavuye ku ntumbero yo guha insiguro iryo jambo bivanye n’imibereho n’imigirwa yo muri kaminuza y’Uburundi.

Nk’akarorero, uwitwa Ndayongeje Léopold agira ati : « Izina ‘‘poilsime’’ canke ‘‘umupoil’’ harimwo « poils » ; ubwoya. Ubwoya rero canke umushatsi ku muntu ni ikimenyetso c’uko akuze. Ni yo mpamvu umunyeshure mushasha aba yimosheje. Umushatsi uruyoya ruvukana bawita imvanda, umushatsi umunyeshure aba afise avuye mu mashure yisumbuye nawo nyene witwa imvanda. Ni co gituma imvanda bazimwa kugira haboneke umushatsi w’abantu bakuze ; gukura atari mu myaka, ahubwo mu kuba umuntu yibwiriza ibikenewe.»

Muri make, tworifata nk’izina ry’ubuhizi abo banyeshure bo muri kaminuza y’Uburundi canke abahaciye bahisemwo kwiyita.

Yamara rero…

Ico bikoze, ni izina rikunze gutera impari mu barizi. Abaryiyita bagasa n’abagira bati « rigaragaza ubutore n’ubushingantahe bwa bene ryo », ariko hakaba n’abaritera ivyatsi, bivanye n’utunenge batora ingendo n’inyifato y’abo banyeshure.

Nk’akarorero, Adelin Habonimana n’agashavu kenshi ati : « Naciye ku makaminuza atandukanye mu bihugu bitandukanye, abo ni bo bambere bazi y’uko bategerezwa guhabwa akazi na Reta, kwiyungunganya ntibabishoboye ahandi hose biga bariha kuko ubumenyi ari umutahe. Ab’ubu buzuye gusegerereza gusa ; wokwitega iki ku muntu amara amasaha agonze urutoke ku hantu ata n’ikilometero 1 ahagenda ? Duhinduke ! Ikindi, ni birimbure, bamenye ko  kunywa ivyo bababwiye mw’ishure atari bwo bwenge, bamenye kwiyongeza akenge , bige kujana n’ibihe kuko iyi si tugezemwo si iyo kugotomera ibintu udashobora no kubitahura. Ni bake kw’ijana biyita uko bafise n’umutima wo kurahura ubwenge bundi butandukanye n’ivyo babimuje mw’ishure. Nayo ivyo kugonda intoke, kwambara agashati kuwa gatandatu ugakurikirana imiduga y’abafise ubugeni utazi numwe muri bo, bihagarare, ni  biheshe agaciro. Ni aho biva ugasanga muri karatiye, abanyagihungu batanaciye no kuntebe y’ishure bariko babasuzugura kuko bababona bafise imyitwarire atawoyifatirako akarorero nko gukunda gufashwa muri vyose.Ivyo mwiyita rero bijane n’uko mwitwara kuko ntiwobwira umuntu ko uhambaye udashobora kwerekana ico utandukaniyeko n’abandi. »

Mbaye nka wa wundi ngo « akari mu nda y’ingoma kamenywa n’uwayikanye » koko.

Partagez-nous votre opinion

Les commentaires récents (10)

  1. Comportement y,aba poelissime nk’umuntu yize muri kaminuza y’igihugu c’uburundi ntayo nofatirako mu mibereho yanj!wonsigurira gt abantu biyita k ari kazoza k’igihugu ukabona umunyeshure yambay ishati itabutse,ikirato gihngamye ariko baronse bourse d,étude bayamarira mu tuyeri n’inzarwa mu nyakabiga ,kamnge,n’ahandi!!nibo bashits mu nzego z’igihugu batwara nabi bakiba bikanatuma igihugu cacu kidatra imbera!babanza kwiyuzuza ng bikure akayashu babiriy muri kaminuza y,uburundi!abanyeshure bize mu ma kaminuza yignga ng bize mu mwonga!!ugasanga umuntu yize mu gisata kanaka nka informatique ariko wamuha i machine(ordinateur ntashoboy kwndika muri excel cnk word)birababaj!! » ngo Imodoka zose ziri mu Burundi ni rwabo ».ng Nico gituma basaba lift !!barihnda hari kera aho uhjeje ishure baza kugutora muhira ng Ingo ub Directeur Général!!bisubireko!!

  2. Nd’umunywanyi wa yaga knd ndakunda ku bakurikira mu ma débats mutunganya kensh bur kwezi no kur social médias facebook, tweetter kuk mwakor ivy akamaro arik ivyo mumaz imisi muvuga kuri « Poillissime » mbona bidahuy n’ivyo mujejw cnk naho mukibaza KO ar ibisanzwe atariko biri vyiza rero mwobireker ababifitiy uruhusha mukeney kubimenya naho mukeger inzego zibijejwe kuko ku rubuga ni nko mw’isoko umuntu yisoney ntahavugir cnk Ngahavugirw. N’ahanyu rero kwikebuka kuko urik urasoma commentaires urasangamw impari zitandukany zishobora gukwega des conflits inter- Universitaires. Merci
    [email protected]

  3. Commentaire *nibarabe bihereze agaciro, bige ubwenge batandukanye maze babishire ahagaragara tubikorereko, nayahandi kunywa ivyo baguhaye uko nyene, na gasuku yobishobora

  4. Ndagaye iciyumviro ca Adelin Habonimana mbega poilissime ashobora kwibeshaho mumafaranga adashika ibihumbi mirongo itatu mu kwezi agafotoza sylabus akanafungura uyo muntu ntazi kwibeshaho?natwe turiyizi poilissime w1999 ntiwomugereranya nuw2017 dufate kuko ibintu vyarahindutse ariko rero nta mu poil asega umu poil arasaba umu poil azi kwisuganya muri vyose uko ikibazo kimushikiye niko anagitorera inyishu poilissime wubahwe

  5. Ivyo vyerekeye imishatsi n’imvanda sivyo na gato, Kuko umugenzo wo kumwa abanyeshure batanguye mu wa mbere vyatanguye dans les années 1995 kuba bise aba Tchechènes. Abari muri kaminuza muri iyo myaka barazi ingene vyagenze. Hari promotion yinjiye muri Kaminuza hanyuma ntiyoronka baptème kubera amagume de 1993. Haheze umwaka, haza iyindi promotion, baptème isubira gutangura. Bamwe batayironka baja mu bandi ngo babatize. Abandi bati ahubwo mubaza kuyironka na mwebwe. Induru ziba ziratanguye. Bamwe ngo turi ngaha kuva kera ntitwemera, abandi bati murabesha. Baca bafata ingingo yo kubamwa. Niyo promotion ya mbere yatanguye kumobwa, bica birakurakira na cane cane ko abakurikiye baje bavuye muri SMO.

    Murumva rero ko izina abapoilisime ou abapoelisime ryariho avant ko batangura kumwa aba « puants ». HAca hasigara insiguro ya mbere gusa rero, naho ntoyishingira intahe, iya kabiri yo novuga ko atari yo namba.

  6. Sinibaza k hakozw ibiharuro vyerekana k abantu bize kaminuza y’Uburundi aribo badashoboy kwibeshaho!
    Aruko twohavura dusanga mu Burundi nka 75% batoshobora kwibeshaho!
    Ivyo navyo sinibaza k benshi bovyemeza!Burundi nka75%

Nous utilisons des cookies pour vous garantir la meilleure utilisation sur ce site web.

En poursuivant votre navigation sur ce site, vous acceptez l'utilisation de cookies. Si vous souhaitez en savoir plus sur les cookies que nous utilisons, veuillez lire notre politique relative aux cookies.